Vidhen 19 ditarë në një shkollë të mesme

19 ditarë të shkollës së mesme të mjekësisë në Pejë janë vjedhur sot gjatë ditës, konfirmoi Policia e Kosovës për KALLXO.com. Driton Rugova, zyrtar për informim në Policinë e...
Vidhen 19 Ditarë në një Shkollë të Mesme

19 ditarë të shkollës së mesme të mjekësisë në Pejë janë vjedhur sot gjatë ditës, konfirmoi Policia e Kosovës për KALLXO.com.

Driton Rugova, zyrtar për informim në Policinë e Kosovës për rajonin e Pejës, tha se mungesa e ditarëve është vërejtur sot në mëngjes,

 “Sot në mëngjes, Policia e Pejës është njoftuar për një vjedhje të rëndë në rrugën ‘Esat Mekuli’”, Tha Rugova.

“Janë vjedhur 19 ditarë në shkollën e mesme të mjekësisë. Në vend të ngjarjes menjëherë kanë dalë njësitet hetuese dhe ato relevante policore dhe  janë duke punuar rreth zbardhjes se rastit. Ky rast është cilësuar si vjedhje e rëndë” tha Rugova per KALLXO.com.

Vjedhjen e ditarëve e konfirmoi për KALLXO.com edhe drejtori i Arsimit ne komunën e Pejës, , Besim Avdimetaj.

Ai tha se janë vjedhur “shumica e ditarëve te klasave të shkollës së mjekësisë”.

“Është thyer edhe dera e blinduar e shkollës dhe janë vjedhur shumica e ditarëve të shkollës. Presim që policia ta zbardhë rastin”, tha Avdimetaj

Shkolla e mesme e mjekësisë në Pejë ka rreth 550 nxënës.

Kategoritë
Kosova
S'ka komente

Komentoni

*

*

Lajme të tjera