Lajme

U varrosën dy të vrarë në sulmin në Munih

Mijëra shqiptarë në Kosovë kanë marrë pjesë në ceremoninë e varrimit të të riut 21 vjeçar, Diamant Zabërgja, i vrarë javën e kaluar në Munih të Gjermanisë.

I ndjeri Zabërgja ishte vrarë nga 18 vjeçari gjermano-iranian, i cili në një qendër tregtare në Munih i ka vrarë 9 vetë, të premten e kaluar, dhe plagosur disa të tjerë. Ai pastaj e ka vrarë edhe vetveten.

Të afërmit, njerëz të tjerë dhe zyrtarë qeveritarë, kanë marrë pjesë në varrimin e Diamant Zabërgjes, në fshatin Ropicë afër Vushtrrisë. Arkivoli i tij ishte mbështjellë me flamurin kombëtar kuq e zi, raporton agjencia AP.

Dy vajza të reja shqiptare, Armela Segashi dhe Sabina Sulaj, po ashtu, janë vrarë në sulmin në Munih.

Armela Segashi u varros sot në Podujevë, ndërsa Sabina Sulaj do të varroset në Gjermani.

Leave a comment

Your email address will not be published.


*