Lajme

Stavileci: Për ‘Trepçën’ u bë zgjidhja më e mirë

Ministri i Zhvillimit Ekonomik, Blerand Stavileci, ka thënë se është bërë zgjidhja më e mirë për “Trepçën”, me miratimin e ligjit për këtë ndërmarrje mbrëmë nga Kuvendi i Kosovës. Ai ka thënë se edhe pse me vonesë prej 17-vjetësh, prapëseprapë u gjet zgjidhja për transformimin e përgjithshëm të zhvillimit ekonomik të Kosovës.

Lexojeni të plotë opinionin e Stavilecit të postuar në llogarinë e vet në “Facebook”:

Trepça, Kosova e Re…
Drejtpërdrejt nga horizonti i X-të, që pas 17 vitesh pritje të bëhet zgjidhje. Pra, çështja e Trepçës u zgjidh në mënyrën dhe me formulën më të mirë të mundshme për të gjithë qytetarët e Republikës së Kosovës, e në veçanti për punëtorët e saj dhe familjet e tyre, si dhe për komunitetin atje.
Dalëngadalë, por shumë sigurtë, gjërat e mëdha po bëhen. Njëjtë, pas 17 vitesh, nga një horizont tjetër, tash mbitokësor, përtej oqeanit dhe mijëra kilometra larg vendlindjes, po zgjidhet edhe një çështje po kaq e rëndësishme për sigurinë energjetike dhe transformimin e përgjithshëm ekonomik të vendit tonë.
Ndjenjë e jashtëzakonshme të hapësh sytë herët në mëngjes dhe të shohësh e lexosh lajme, analiza e komente të mira për suksesin e arritur me punën e bërë. Mos të harrojmë, pas 17 vitesh!
Fjalët janë të tepërta, kur puna flet më së shumti. E kur ajo është e drejtë, e ndershme dhe e sinqertë, flet edhe më shumë.
Ora 05:21, drejtpërdrejt nga horizonti i I-rë, me shumë mall e krenari për atë njeri të cilit ia atribuoj sukseset e së kaluarës, së tashmes dhe së ardhmes.

Leni koment

Email-i juaj nuk do te publikohet.


*