Lajme

Sadiku dhe Musliu, bisedojnë për specializimin e mjekëve të Luginës së Preshevës

Zëvendësministri i Shëndetësisë Izet Sadiku priti sot kryetrin e Këshillit Kombëtar Shqiptar për Luginë të Preshevës, z. Jonuz Musliu, me të cilin bisedoi për sfidat dhe problemet e mjekëve nga tri komunat e Luginës: Preshevë, Bujanoc dhe Medvegjë. 

Në këtë takim është biseduar për përfshirjen e një numri të mjekëve nga Lugina në specializime, të cilat për trojet do të lejohen nga Ministria e Shëndetësisë në konkursin që do të shpallet së shpejti. 

Musliu ka kërkuar që specializimet të cilat do të ndahen të jepen për mjekë që jetojnë dhe kontribuojnë në Luginë dhe të cilët, pas mbarimit të specializimit, do t’i kontribuojnë shëndetësisë së këtyre komunave, përkatësisht banorëve të tyre. 

Zëvendësministri Sadiku tha se MSh do t’i ketë parasysh sugjerimet e dhëna dhe mjekët që do të konkurrojnë për specializime nga Lugina do të trajtohen në mënyrë korrekte me qëllim, që ata si kuadro të specializuara, në të ardhmen t’i shërbejnë mbrojtjes dhe përparimit të shëndetit të banorëve të Luginës. /KI/

Leni koment

Email-i juaj nuk do te publikohet.


*