Sport

Pas 15 vjet karrierë në ekip, Ruxhi ndahet nga Liria

Portieri vendas i Lirisë, Armend Ruxhi, është ndarë nga ekipi bardhezi, pas fazës përgatitore të skuadrës.

Mësohet se portieri shumëvjeçar i ekipit të Prizrenit nuk ka pasur besimin e trajnerit, Bledi Shkëmbi që të jetë portieri i parë i skuadrës, gjë që ka ndikuar edhe në pagën e tij.

“Pas 15 viteve karrierë me Lirinë, duke mbrojtur portën e skuadrës erdhi momenti për tu ndarë nga klubi im. Arsyeja kryesore ka qenë mosdakordimi rreth pagës, pasi që gjithmonë isha portieri i parë i ekipit dhe nuk më është dukur e arsyeshme që të vazhdojë me pagën që mu ofrua tash, pastaj edhe trajneri nuk ma dha rastin shumë gjatë stërvitjeve,” ka thënë Ruxhi për Borozani.com.

Liria këtë verë ka zyrtarizuar portierin e ri të ardhur nga Tomorri i Beratit, Mikel Kaloshi, ndërsa së fundi mediat tiranase kanë bërë të ditur se ekipi do të angazhojë edhe portierin e dytë të Tiranës, Edvan Bakaj.

 

Komentoni