Bota

Obama: Trump – mjerisht i papërgatitur për president

Presidenti i ShBA-së, Barack Obama, ka thënë sot se sulmet e Donald Trumpit kundër familjes së një kapiteni mysliman të ushtrisë amerikane të vrarë në luftën në Irak, si dhe mungesa e kuptimit të çështjeve serioze tregojnë se kandidati republikan për president të vendit është mjerisht i papërgatitur për të shërbyer si president.

“Duhet të vijë një moment kur duhet të thuash ‘mjaft’”, tha Obama, duke iu adresuar liderëve republikanë për të cilët ai ka thënë se i kanë denoncuar vazhdimisht deklaratat e Trumpit, por të cilët vazhdojnë ta përkrahin atë publikisht për president, raporton Reuters.

Obama i bëri këto komente gjatë një konference për media në Shtëpinë e Bardhë, me kryeministrin e Singaporit, Lee Hsien Loong.

Komentoni