Lajme

Irak: Të paktën 17 të vrarë nga dy sulme me bomba

Dy sulme terroriste kanë goditur kryeqytetin e Irakut, Bagdadin, duke lënë të vrar5 të paktën 17 persona dhe të plagosur mbi 50 të tjerë.

Zyrtarët thonë se tetë persona janë vrarë dhe 29 të tjerë janë plagosur në një sulm me bombë në lagjen Jadida në Bagdad.

Përgjegjësinë për këtë sulm e ka marrë grupi militant Shteti Islamik, duke thënë se sulmi është kryer nga një person i cili ka shpërthyer jelekun e mbushur me eksplozivë.

Pothuajse në të njëjtën kohë një sulm vetëvrasës ka ndodhur në zonën Bayaa, në jug të Bagdadit, ku kanë mbetur të vdekur të paktën nëntë persona dhe janë lënduar 26 të tjerë.

Lidhur me këtë sulm, askush deri më tani nuk ka marrë përgjegjësinë.

IS-i në muajt e fundit ka nisur një fushatë, që kanë pasur për cak civilët, ndërkaq forcat e sigurisë së Irakut me sukses kanë arritur të rimarrin territor nga grupi terrorist.

Leni koment

Email-i juaj nuk do te publikohet.


*