Lajme

India bën thirrje që Pakistani të izolohet

India thotë se është koha që komuniteti ndërkombëtar t’i identifikojë shtetet që promovojnë terrorizmin dhe t’i izolojnë ato, duke iu referuar kështu shtetit të Pakistanit.

Ministrja për Punë të Jashtme i Indisë Sushma Swaraj, duke folur në Asamblenë e Përgjithshme të OKB-së, ka thënë se komuniteti ndërkombëtar duhet të “bashkoj fuqitë për të krijuar një strategji efektive kundër terrorit”.

“Nëse ndonjë shtet refuzon t’i bashkohet kësaj strategjie globale, duhet të izolohet”, ka shtuar ajo.

India e ka akuzuar Pakistanin se qëndron prapa sulmit të 18 shtatorit, në një bazë ushtarake në pjesën e Kashmirit të kontrolluar nga India.

Kryeministri indian, Narendra Modi më 24 shtator, ka kërkuar që të fillojë një fushatë globale për të izoluar Pakistanin.

Nju Delhi që një kohë të gjatë akuzon Islamabadin se mbështetë grupet militante për të kryer sulme të dhunshme në Indi. Pakistani ka hedhur poshtë këto akuza.

Leni koment

Email-i juaj nuk do te publikohet.


*