Sport

Haradinaj: Do t’i mbështesë “Dardanët” në misionin e tyre

Kryeministri i Republikës së Kosovës Ramush Haradinaj, priti në takim kryetarin e tifozërisë “Dardanët”, Lulzim Berisha me bashkëpunëtorë.

Ata ia uruan Kryeministrit Haradinaj detyrën e të parit të Qeverisë, me besimin e fuqishëm se ai do të ketë mirëkuptim për kërkesat e tyre.

Gjatë takimit, kryeministri u njoftua me nevojat dhe kërkesat e “Dardanëve”, si përshpejtimi i ndërtimit të stadiumit nacional “Dardania Arena” (sipas tyre duhet të mbajë këtë emërtim); për zbatimin e Ligjit për Sponsorizim si dhe legalizimin e një hapësire në kryeqytet për veprim dhe akomodim të tyre.

Kryeministri u zotua se do t’i mbështesë “Dardanët” në misionin e tyre për ta ngritë lartë imazhin e vendit, kudo që ata paraqiten, duke shfaqur besnikërinë e tyre ndaj atdheut përmes animit fer, por edhe duke krijuar lidhje të reja e miqësore me tifozeritë vendase si dhe ndërkombëtare. /KI/

Komentoni