Lajme

Era Istrefi promovon Brezovicën dhe Rugovën në mediet botërore

Këngëtarja shqiptare Era Istrefi, në këtë intervistë ka folur për të rinjtë e Kosovës, për ushqimin tradicional shqiptar, sikurse që ka përmendur edhe pikat e forta të turizmit shqiptar si: Shqipërinë, Rugovën, Brezovicën e Malin e Zi.

Ajo, përgjatë kësaj interviste ka folur për shumë specifika që e dallojnë Kosovën, duke u nis prej njerëzve, ku sipas Era Istrefit, janë mjaftë miqësorë. Era Istrefi ka thënë për wanderlust.com, se njerëzit e Kosovës vetëm duhet ti njohësh më thellë, për të kuptuar se sa të mirë janë. 

Më pas ajo ka treguar se si të rinjtë e Kosovës kanë shije të mirë për muzikë, duke përmend këngëtarët që dëgjohen në këtë vend si: Beyonce, Rihanna, Eminem… Ndërkohë, po në këtë intervistë, ajo nuk ka ngurruar të bëj edhe një promo për ushqimin e mirë shqiptar, duke rekomanduar restaurant Tiffany, ku sipas saj, kanë një ushqim shumë të mirë tradicional. 

Shqipëria, Rugova, Brezovica, Mali i Zi, janë pikat kyçe të cilat i ka përmendur Era Istrefi në këtë intervistë, ku sipas saj janë vende shumë të bukura. Era Istrefi që është mjaftë e njohur tashmë me këngën e saj BonBon, në këtë intervistë të shijes së saj personale, ka përmendur edhe vende të tjera botërore, të cilat tashmë i ka shëtitur, duke përfshirë Londrë, Parisin, Los Angeles e Zvicrën. /KultPlus.com/

Leni koment

Email-i juaj nuk do te publikohet.


*