Kosova

Abrashi: Jemi në garë. Dhe do të fitojmë

Ndërsa ende nuk ka marr fund numërimi i votimeve, kandidati i LDK-së për Prishtinë, Arban Abrashi, përmes një postimi në profilin e tij në facebook, porosit kundërkandidatin Shpend Ahmeti i cili po feston, se ende janë në garë. Abrashi është i bindur në fitore marr parasysh në fletëvotimet e panumëruara.

Postimi i itj:

Jemi në garë. Dhe do të fitojmë

Do t’i numërojmë të gjitha votat. Jam besimplotë se brenda atyre fletëvotimeve që kanë mbetur pa u numëruar, është fitorja jonë, fitorja e Prishtinës evropiane.

Me qetësi, me durim, me mençuri e me vendosmëri, do ta administrojmë procesin në vazhdim. Për ta çuar në vend vullnetin e qytetarëve të Prishtinës.

Unë besoj në fitore. Ashtu sikurse Ju besoj.

E kam filluar garën kur zgjedhjet ishin caktuar. Deri atëherë, as nuk më shkonte ndërmend se do të isha kandidati i Lidhjes Demokratike të Kosovës, forcës kryesore politike në Kosovë, për kryetar të Prishtinës.

Brenda pak javësh, me mobilizimin e Lidhjes Demokratike të Kosovës dhe të ekipit tim, arritëm të përmbysnim epërsinë e rivalëve.

Dëshmuam se jemi konkurentë të fortë dhe besoj të pathyeshëm.

Koalicioni ynë me qytetarët e Prishtinës dhe me partnerin e koalicionit tonë, do të ngadhnjejë.

Secila votë do të numërohet. Dhe ne do të këmbëngulim të mos lejojmë asnjë devijim të vullnetit të qytetarëve të Prishtinës.

Në fund, do të fitojmë.

Urime Prishtinë.

Komentoni