Rajoni

4 të mbytur në Vlorë, mesazhi i ish-kryeministrit: Ditë zie për Vlorën dhe turizmin shqiptar

Ish-kryeministri Sali Berisha ka reaguar pas ngjarjes tragjike që ndodhi sot në Zvërnec të Vlorës, ku tre të rinj humbën jetën në plazh.

Në një mesazh në rrjetet sociale, Berisha e shpall ditën e sotme ditë zie për Vlorën dhe turizmin shqiptar.

Duke shprehur ngushëllime të sinqerta për familjarët e të ndjerëve, ish-kryeministri lutet që shpirti i tyre të gjejë paqen e merituar.

“Ditë zie për Vlorën dhe turizmin shqiptar!

Të dashur miq, sot është një ditë zie për Vlorën dhe turizmin shqiptar.

Në bregdetin e Vlorës, Zvërnec dhe Uji i Ftohtë kanë humbur jetën në ujë katër pushues; një djalë 14-vjeçar në Ujë të Ftohtë dhe në Zvërnec, dy vajza nga Vlora dhe një djalë shqiptar nga Maqedonia, që flijoi jetën në përpjekje për shpëtimin e tyre.

Me këtë rast, le tu shprehim të dashur miq, ngushëllimet më të sinqerta familjeve të të ndjerëve dhe të lutemi që shpirti i tyre të gjejë paqen e merituar.

Ngushëllime!”, shkruan në faqen e tij në Facebook, ish-kryeministri Sali Berisha.

Komentoni